የግብርና ጥራትና ደህንነት ባለስልጣን ኃላፊ መልዕክት

የግብርና ምርትና ምርታማነትን ለማሳደግ በሚደረገው ርብርብ ጥራትና ደህንነቱ የተረጋገጠ የግብርና ግብዓት መጠቀም ድርሻው የጎላ እንደሆነ ይታመናል፡፡ ይሁን እንጅ የክልላችን አርሶ አደር እየተጠቀመ ያለው የግብርና ግብዓት በመጠን አነስተኛ ከመሆኑም በላይ አብዛኛው ግብዓት በተጠናከረ የጥራት ቁጥጥር ስርዓት ያለፈ አልነበረም፡፡ ይህም የክልሉ ምርትና ምርታማነት በሚፈለገው ልክና ፍጥነት እንዳያድግ የበኩሉን አስተዋፅኦ አበርክቷል፡፡ የክልሉ መንግስትም ይህን በመረዳት በግብርና ግብዓቶች ላይ የጥራት ቁጥጥር ስርዓትን በባለቤትነት
የሚያስተባብር ተቋም በአዋጅ ማቋቋም አስፈላጊ ሆኖ በማግኘቱ የግብርና ጥራትና ደህንነት
ባለስልጣንን በአዋጅ ቁጥር 208/2006 እንዲቋቋም አድርጓል፡፡ ባለስልጣን መስርያ ቤቱ ከተቋቋመበት ጊዜ ጀምሮ የሰው ሃይሉን በማሟላት ቢሮውን በማደራጀት የፊዚካልና የፋይናንሻል ዕቅዶችን በማቀድ ወደ ስራ ገብቷል፡፡ ይህ በመደረጉም በግብርና ግብዓቶች ላይ ይስተዋል የነበረው የጥራት መጓደል ችግር በእጅጉ ተሻሽሏል፡፡
በቀጣይም ያሉንን አቅሞችና ልምዶች ተጠቅመን፤ ከሌሎች አጋርና ባለድርሻ አካላት ጋር ያለንን ቅንጅታዊ
አሰራር ይበልጥ በማጠናከር በግብርና ግብዓቶች ላይ የሚስተዋለውን ህገ ወጥነት እና የጥራት መጓደል
ችግሮች በመቅረፍ ምርትና ምርታማነትን ለማሳደግ በሚደረገው ርብርብ የድርሻችንን አስተዋፅኦ
ለማበርከት ዝግጁ መሆናችንን ለመግለፅ እወዳለሁ፡፡
ጥራቱ የተረጋገጠ የግብርና ግብዓት ለላቀ ምርታማነት